ماموستا حه قیقی

چاوه ‌که‌م

دڵم ماتی غه‌می هیجرانی تۆیه‌

نه‌خۆشی ده ‌ردی بێ ده ‌رمانی تۆیه‌

*

ئه‌وا عومرێکه‌ چاوم ،چاوه‌کانم

خه‌ریکی شیوه‌ ن و هیجرانی تۆیه‌

*

برینم کارییه‌ جه‌رگم بڕاوه‌

ئه‌ویش کاری برۆ و موژگانی تۆیه‌

*

دڵی بردم نیگای چاوی خۆمارت

یه‌ که‌و گیراوی دوومه‌ستانی تۆیه‌

*

به‌ قانوون حورمه‌تی میوانی فه‌رزه‌

مه‌ر ه ‌نجێنه‌ دڵم ، میوانی تۆیه

*

ته‌وافی خاڵی تۆ بۆ من حه‌ڵاله‌

دڵم فید یه‌ و سه‌رم قوربانی تۆیه‌

*

قیامی قامه‌ تت قامی قیا مه ‌ت

ته‌رازووی چاوه‌ که‌م میزانی تۆیه‌

*

هه‌والی رۆژی مه‌حشه‌ر گه‌ر ده ‌پرسی

خه‌به‌ر ده ‌ستی من و دامانی تۆیه

*

ئه‌گه‌ر په‌یمانه‌که‌ی ده ‌ستت شکاندم

دڵم مه‌شکێنه‌ هاوپه‌یمانی تۆیه‌

*

ئه‌تۆ سووچت نه‌بوو چاوت منی کوشت

مه‌فه‌رموو چاوه‌ که‌م تاوانی تۆیه‌

*

به‌ ئیمانم هه‌تا مردن "حه‌قیقی"

به‌ هیوای دینی چاوی جوانی تۆیه‌

" مامۆستا حه‌قیقی