|
محه‌ممه‌د مسته‌فازاده | |||||
|
1- | |||||
ئه‌کره‌م حه‌سه‌نزاده(سه‌ریاس)
شه‌وگار
شه‌وگار
به گیانی خۆر
سوێندت ده‌ده‌م
دام‌پۆشه
تا که‌س نه‌بینێ
یادی یارم
هه‌ر شه‌و دێتوو
ده‌ست له‌ملی
ئاواته‌کانم ده‌کاتوو
ده‌بێته هه‌تاوی
خه‌یاڵاوی
خه‌ونه‌کانم....
کارۆ مروەتی ، سەقز
١
ئەگەر دڵی تۆ چاپ خانەی شێعر بوایە ،
زۆر ئەترسم
زۆر لە شێعرەکانم
لە ژێر چاپ دەرنەچوایە ...
٢
ئیتر هێلانە خۆش ناکەم بۆ ئەو شێعرانەی
کە بۆ ساتێ ئەدەن لە دەرگای دڵم ؛
گەرچی بێ ئەوان هەڵناکەم ...
٣
ئەگەر فرمێسکەکانت شەرابی شێتیی من بن
ئەوەندە ئەتگریێنم
هەتا وشەکان جۆگە ئەبەستن
بۆ شێعرێکی تر ...
٤
لە گوڵجاری ئەویندا
دڵم ئەکەم بە خێشکەی وشە ...
دەبا رۆحم ،
خەرمانی خۆشەویستیی وشە بێ ...
٥
ئەگەر '' با '' دەروێش بوایە ،
تەنیا لە پرچی کچانا
زکری ئەکرد !
نیان فاتمی
۱
سه‌فه‌رت کۆچه
تا گه‌رانه‌وه
هه‌زار زستان ئه‌پچڕینم و
هه‌زار قاڵاو
باڵا ئه‌که‌م
۲
ئه‌سووتێنم
جاڕه جۆێک
له غوربه‌تی وه‌رزی
گه‌نم
کراسی زه‌وی دابدڕێ
له ساێقه‌ی هه‌وری شێتم
۳
تۆ
قاچاخچی کچێنیتوو
من
له‌م به‌ر ئاو
رزگاری ته‌لیسمێکی ئاورێشمی
۴
بۆ شه‌پۆلی بێ تاوانی
گۆناهێکی له دایک نه‌بوو
من سومه‌ییه‌م
۵
شه‌و
کاره ساتی چاوی منه و
تۆش
ته‌قینه‌وه‌ی ئه‌ستێره‌یه‌ک
هه‌ستیار
۱
شاعیرێک
لە شاری خۆی دا غەریب
شاعیرێک لە وڵاتی خۆی
ئاوارە
تۆ بووی کۆچت کرد
۲
بووم بە پێناسەی
دوو دارستانی غەریب
هیچ گەڵایێ
پشتی لە چڵی ئەو بەر نەکرد
ئاشتی بوو بە وەرزێ
کەوتە نێو گشت وەرزەکان
کە هاوارت کرد
ئەرێ من،ئەرێ تۆ
ئەرێ ئیمە.....
۳
هەر خولیایێ
لە ناو گەردوونی شێعرما
گەر نەتوانێ بۆ چرکە ساتێ
تۆ......
هەر تەنها تۆم
بە بیر بێنی
لە لام وەکوو درەختێکی
بێ گەڵاو
هەورێکی بێ پەناو
زەریایەکی بێ کەنار و
ئەری.....
وەک شێعرێکی بێ شاعیر
دێتە بەر چاو
۴
بەڵینت دا
باران و ماچ
هەر دوو دیاری
یەکەم ژوان و
یەکەم وێستگەی
سەفەرمان بن
ئەوە ژوان و ئەوەش سەفەر
بەڵێن مەدە بە شاعیرێک
کە ناتوانی بیبەیتە سەر
ئازاد سه‌یدئیبراهیمی
بۆ پیری فه‌ڵه‌ک هانی به تاو نازانم
هێنانی ئه‌من باشه خه‌تاو نازانم
له‌و خه‌مگه‌یه ئاڵاوه شه‌وستانێ لێم
چه‌ن باڵه هه‌تا کۆشی هه‌تاو نازانم
**
جامێک و خه‌مێ له ئه‌م دڵه داماڵێ
به‌و خێڵی خه‌مان تاکوو نه‌بم پاماڵێ
ئاڵاوه مژێ له ده‌روه‌نی ته‌نیاییم
تۆراوه له ئه‌م چاخه مه‌گه‌ر ساماڵێ
**
نه‌ورۆزه شه‌مێ زاوه‌ته شه‌وگاری ته‌مه‌ن
با بێم و گڕێ به‌ربه‌مه ئاقاری ته‌مه‌ن
وه‌رزێ له هومێد ئه‌م که‌شه تێراو بکا
تا بێت و چرۆ کاته به‌ری داری ته‌مه‌ن
**
ئێواره‌یه گریان و ته‌مێ دایگرتووم
دیرۆکی حه‌زی زین و مه‌مێ دایگرتووم
له‌م وه‌رزه ده‌می دار و گوڵه بنواڕه
مووچڕکی خه‌می گوڵ‌به‌ده‌مێ دایگرتووم
**
ساقی وه‌ره په‌یمانێ له نۆ تازه که‌وه
لایێک له ئه‌م ئاوه‌ڵه بێ‌نازه که‌وه
چت داوه ته‌مه‌ن چاوگ و ئاکامی چ بێ
که‌م بیرێ له ئه‌م باوه‌ڕه ناسازه که‌وه
نیان فاتمی
۱
دڵی کاڵم
له نێوان په‌نجه‌کانت‌دا
چرۆ ده‌کا
وه‌رزێک بۆئاوات و
په‌نجه‌یه‌ک وه‌رزه‌کانم
۲
ئه‌ی ئه‌و که‌سه‌ی هه‌موو گیانت
رژا له نێو شێعره‌کانم
تۆئازارێکی وه‌ک ئه‌شق
هه‌موو گێانمت ته‌نیوه
ره‌هێڵ بویه‌ته نێو رۆحم
رێگه‌ی ژینت لێم بڕیوه
۳
با
یه‌که‌م جێژوانی
له‌گه‌ڵ زه‌ریابوو
خه‌ونی ماسیه‌کان هه‌زار ساڵه
که ئاڵۆزه
۴
ره‌نگی شێعرت
وه‌ک دڵه‌ی شه‌یدای منه
تاوێ گه‌رمه
تاوێ سووره
جاری واشه شه‌رمنه
۵
جێگه‌ی
نه‌بوونت هێنده گه‌وره‌یه
که ئێستا له‌وێ ده‌ژیم
ئه‌م گۆڤاره تایبه‌ته به کورته شێعری کوردی (شێوازی نوێ یا کلاسیک)
