شیعری وفایی

بـە چـاوان غەمـزە و ئیمـا مـەفـەرمـو

بە قەتڵی عاشقی شەیدا مەفەرمو

ئەمن کوشتەی جەماڵی تۆم عەزیزم

لە بـاغـی ( جنـة المأوى ) مـەفـەرمـو

ئـەتــۆ مـوســونـبـول و ڕوو ئـافـتـابـــی

لە حوسنی طەلعەتی لەیلا مەفەرمو

دەڵێن : فەرمـووتە بمکوژی بە ناحەق

کە تۆ سوڵتانی حوسنی وا مەفەرمو

دوو چـاوم دور لـە تـۆ تۆفـانی خـوێـنە

لـە مـەوج و جۆشـی دەریـا مەفەرمـو

دەمـت وا بێنە قـیـبـلەم تـۆی تەبیبـم

بە تەشریفی دەمی عیسا مەفەرمو

من و یەک لەحظە شەو ئارام و تاقەت

لە دووری ماهی شـەو ئارا مـەفـەرمـو

بۆ خۆت بمکوژە نەک بەو چاوە مەستە

بـە جــەلادانـی بـێ پــەروا مـەفـەرمــو

" وەفـایــی " عاشقی ئەندامی تـۆیـە

شـەهیـدی قامەتـی طـوبا مـەفـەرمـو

وەفـایــی

گـوڵئه‌ندام ئـه‌ی تـه‌نـافی گه‌ردنم زوڵفـی پـه‌ریشـانت

عیلاجێ چاره‌یێ روحمـێ ئه‌مـان ده‌ستم به‌ دامـانت

غه‌ریبی تۆم نه‌خۆشی تۆم به‌گۆشه‌ی چاوی بیمارت

ئه‌سیری تۆم شه‌هیدی تۆم به‌ نووکی تیری موژگانت

وەفــــایـــی

سروشت